Assembly Elections | మోగిన ఎన్నికల నగారా జమ్మూ కశ్మీర్ లో మూడు దశల్లో, హర్యానాలో ఒక దశలో ఎన్నికలు
Assembly Elections | ఎంతో ఆసక్తిగా ఎదురుచూస్తున్న జమ్మూ కాశ్మీర్ అసెంబ్లీ ఎన్నికల షెడ్యూల్ను భారత ఎన్నికల సంఘం (ECI) శుక్రవారం ప్రకటించింది. ఇది 2014 తర్వాత ఈ ప్రాంతంలో మొదటి ఎన్నికలు జరుగుతున్నాయి. సెప్టెంబర్ 18 నుంచి మూడు దశల్లో ఓటింగ్ నిర్వహించనున్నారు. అక్టోబర్ 1, అక్టోబర్ 4న ఓట్ల లెక్కింపు జరగనుంది.
మూడు దశల్లో ఎన్నికలు
జమ్మూకశ్మీర్ లో అసెంబ్లీ ఎన్నికలు మూడు దశల్లో జరుగుతాయి; సెప్టెంబర్ 18, సెప్టెంబర్ 25, అక్టోబర్ 1 న ఓటింగ్ నిర్వహించనున్నారు. అక్టోబర్ 4 న ఓట్ల లెక్కింపు జరుగుతుంది” అని సిఇసి రాజీవ్ కుమార్ తెలిపారు. మరోవైపు హర్యానాలో అక్టోబర్ 1న ఒకే దశలో ఎన్నికలు జరగనున్నాయి.
జమ్మూ కాశ్మీర్ ఓటర్ల వివరాలు..
జమ్మూకశ్మీర్ లో మొత్తం 90 అసెంబ్లీ నియోజకవర్గాలు ఉన్నాయి, వాటిలో 74 జనరల్, ఎస్టీలు 9, ఎస్సీ నియోజకవర్గాలు 7 ఉన్నాయి. ఇక ఓటర్ల వివరాలు ఇలా ఉన్నాయి. రాష్ట్రంలో మొత్తం 87.09 లక్షల మంది ఓటర్లు ఉండగా ఇందులో 44.46 లక్షల మంది పురుష ఓటర్లు, 42.62 మంది మహిళా ఓటర్లు ఉన్నారు.
2018లో మెహబూబా ముఫ్తీ నేతృత్వంలోని PDP-BJP సంకీర్ణ ప్రభుత్వం కుప్పకూలిన తర్వాత జమ్మూ కాశ్మీర్లో గత ఏడేళ్లుగా ప్రభుత్వం లేకుండానే ఉంది. ఈ ప్రాంతంలో ప్రజాస్వామ్య పాలనను పునరుద్ధరించడానికి రాబోయే ఎన్నికలు ఒక ముఖ్యమైన అడుగుగా నిలవనుంది.
“మేము ఇటీవల జమ్మూ & కాశ్మీర్, హర్యానాలలో ఎన్నికల సన్నాహాలను పరిశీలించడానికి సందర్శించాము. ప్రజలలో ఎంతో ఉత్సాహం కనిపించింది. వారు ఎన్నికలుజరగాలని బలంగా కోరుతున్నారు. లోక్సభ ఎన్నికల సమయంలో J&K లోని పోలింగ్ బూత్ల వద్ద ఉన్న భారీ క్యూలు ప్రజలు మార్పును కోరుకోవడమే కాకుండా, ఆ మార్పులో భాగమై తమ స్వరాన్ని కూడా పెంచాలని కోరుకుంటున్నారని ఎన్నికల అధికారులు తెలిపారు.
హర్యానా లో ఓటర్ల వివరాలు..
Haryana Assembly Elections రాష్ట్రవ్యాప్తంగా 10,500 స్థానాల్లో 20,629 పోలింగ్ కేంద్రాలు ఉంటాయని సీఈసీ తెలిపింది. గుర్గావ్, ఫరీదాబాద్, సోనిపట్లోని హౌసింగ్ సొసైటీల్లో పోలింగ్ కేంద్రాలు ఉంటాయని తెలిపారు.
రాష్ట్రంలోని ఓటర్ల సంఖ్యపై ఆయన మాట్లాడుతూ, “హర్యానాలో మొత్తం 90 అసెంబ్లీ నియోజకవర్గాలు ఉన్నాయి, వాటిలో 73 జనరల్, ఎస్సీ-17, ఎస్టీ-0. హర్యానాలో మొత్తం 2.01 కోట్ల మంది ఓటర్లు ఉంటారు. , వీరిలో 1.06 కోట్ల మంది పురుషులు, 0.95 కోట్ల మంది మహిళలు ఉన్నారు. 4.52 లక్షల మంది మొదటి సారి ఓటు వేయనున్నారు. 40.95 లక్షల మంది యువ ఓటర్లు ఉన్నారు. హర్యానా ఓటర్ల జాబితా 27 ఆగస్టు 2024న ప్రచురించనున్నారు.
జమ్మూ కాశ్మీర్ 2014 అసెంబ్లీ పోల్ ఫలితాలు:
మొత్తం సీట్లు: 87
- JKPDP: 28
- బీజేపీ: 25
- JKNC: 15
- కాంగ్రెస్: 12
- JKPC: 02
- CPM: 01
- PDF: 01
- స్వతంత్రులు: 03
హర్యానా 2019 అసెంబ్లీ పోల్ ఫలితాలు:
మొత్తం సీట్లు: 90
- బీజేపీ: 40
- కాంగ్రెస్: 31
- JJP: 10
- INLD: 01
- HLP: 01
- స్వతంత్రులు: 07
Organic Formin, Green Mobility, Solar Energy, Environment కి సంబంధించిన వార్తల కోసం హరితమిత్ర ను సందర్శించండి.
తెలుగు వార్తలు, ప్రత్యేక కథనాలు, ట్రెండింగ్ వీడియోల కోసం వందేభారత్ వెబ్ సైట్ ను క్లిక్ చేయండి..