SSC CHSL 2024 vacancy details | స్టాఫ్ సెలక్షన్ కమిషన్ (SSC) కంబైన్డ్ హయ్యర్ సెకండరీ (10+2) లెవెల్ ఎగ్జామినేషన్ 2024 ఖాళీల జాబితాను ప్రకటించింది. రిక్రూట్‌మెంట్ ప్రక్రియ ద్వారా మొత్తం 3,954 ఖాళీలను భర్తీ చేస్తారు. ఇందులో విదేశీ వ్యవహారాల మంత్రిత్వ శాఖ తర్వాత రక్షణ మంత్రిత్వ శాఖకు ఎక్కువ‌గా పోస్టులను ప్రకటించారు.
SSC CHSL 2024 టైర్ I మరియు II పరీక్షలకు హాజరైన వారు, రెండు పరీక్షలను క్లియర్ చేసిన వారు ఇప్పుడు అధికారిక వెబ్‌సైట్ ssc.gov.in ద్వారా తమ ప్రాధాన్యతలను సమర్పించాల్సి ఉంటుంది.
నోటీసు ప్రకారం, లోయర్ డివిజన్ క్లర్క్ (LDC), జూనియర్ సెక్రటేరియట్ అసిస్టెంట్ (JSA), జూనియర్ పాస్‌పోర్ట్ అసిస్టెంట్ (JPA), డేటా ఎంట్రీ ఆపరేటర్ (DEO) పోస్టుల కోసం వివిధ విభాగాలు, మంత్రిత్వ శాఖలలో మొత్తం 3,954 ఖాళీలను కమిషన్ రిక్రూట్ చేస్తుంది. డేటా ఎంట్రీ ఆపరేటర్ గ్రేడ్ A. వివిధ పోస్టుల కోసం రెండు స్థాయిల్లో ఎంపిక ప్రక్రియ ఉంటుంది. టైర్ 1 మరియు టైర్ 2. టైర్ 1 అనేది ఆన్‌లైన్ కంప్యూటర్ ఆధారిత పరీక్ష, ఇది ఆబ్జెక్టివ్ మల్టీఆప్ష‌న‌ల్‌ ప్రశ్నలపై ఆధారపడి ఉంటుంది. టైర్ 2 కూడా ఆన్‌లైన్ కంప్యూటర్ ఆధారిత పరీక్షగా ఉంటుంది, ఇందులో మూడు విభాగాలు ఒక్కొక్కటి రెండు మాడ్యూళ్లను కలిగి ఉంటాయి. ఆబ్జెక్టివ్ మల్టిపుల్ చాయిస్ + స్కిల్ టెస్ట్ & టైపింగ్ టెస్ట్ టైర్ 2లో జరుగుతుంది.
SSC CHSL 2024 పరీక్షకు హాజరై రెండవ దశను క్లియర్ చేసిన అభ్యర్థులు SSC అధికారిక వెబ్‌సైట్ ssc.gov.in ద్వారా తమ ప్రాధాన్యతలను సమర్పించాలి. ఈ అవకాశాన్ని కోల్పోయిన వారు తుది ఫలితంలో ఏ పోస్ట్‌కు పరిగణించబడరు. SSC CHSL టైర్ 1 పరీక్ష (కంప్యూటర్ ఆధారిత పరీక్ష లేదా CBE) జూలై 1, 2, 3, 4, 5, 8, 9, 10, మరియు 11 తేదీలలో నిర్వహించారు. మొత్తం 3,9835 మంది అభ్యర్థులు లోయర్ డివిజన్ కోసం టైర్ I పరీక్షలో ఉత్తీర్ణులయ్యారు.
SSC CHSL 2024 vacancy : డౌన్‌లోడ్ చేయడం ఎలా?
- SSC అధికారిక వెబ్‌సైట్, ssc.gov.inని సందర్శించండి
- ”uploading of tentative vacancies for combined higher secondary (10+2) level examination 2024. అనే లింక్‌పై క్లిక్ చేయండి.
- ఇది మిమ్మల్ని PDFకి రీడైరెక్ట్ చేస్తుంది.
కమీషన్ కంబైన్డ్ హయ్యర్ సెకండరీ లెవెల్ (CHSL) 2024 పరీక్షకు సంబంధించిన నోటిఫికేషన్‌ను 2025 మే 27న విడుదల చేస్తుంది. వార్షిక క్యాలెండర్ ప్రకారం పరీక్ష జూలై-ఆగస్టు 2025లో నిర్వహిస్తారు. అభ్యర్థులు తాజా అప్‌డేట్‌ల కోసం SSC అధికారిక వెబ్‌సైట్‌ను తనిఖీ చేస్తూ ఉండాలి.
టైర్ 1, టైర్ 2 టైర్ 3 పరీక్ష విధానం
పరీక్ష, నమూనా ప్రకారం, SSC CHSL పరీక్ష మూడు అంచెలలో నిర్వహిస్తారు.
టై 1: కంప్యూటర్ ఆధారిత పరీక్ష (ఆబ్జెక్టివ్, MCQలు)
టైర్ 2: డిస్క్రిప్టివ్ పేపర్ (పెన్ -పేపర్ మోడ్)
టైర్ 3: టైపింగ్ టెస్ట్/స్కిల్ టెస్ట్
SSC CHSL 2024 టైర్ II సబ్జెక్ట్
పరీక్ష పేపర్ 1 పేపర్ 2 రెండు భాగాలుగా నిర్వహిస్తారు. మొదటిది 2 గంటల 30 నిమిషాల పాటు ఉంటుంది. రెండవ పేపర్ 2 గంటలు ఉంటుంది. SSC CHSL టైర్ II పరీక్ష విధానంలో మూడు విభాగాలు ఉన్నాయి. మొదటి విభాగంలో గణితం, తార్కికం, జ‌న‌ర‌ల్ ఎబిలిటీ ఉంటాయి. విభాగం 2 ఆంగ్ల భాష, గ్రహణశక్తి, జ‌న‌ర‌ల్ నాలెడ్జ్ ఉంటుంది. మూడవ విభాగంలో కంప్యూటర్ పరిజ్ఞానం, స్కిల్ టెస్ట్ లు ఉంటాయి.
టైర్ II పరీక్షలో అభ్యర్థుల మొత్తం పనితీరు ఆధారంగా మాత్రమే తుది మెరిట్ జాబితా తయారు చేస్తారు. టైర్ II పరీక్షలో ఉత్తీర్ణత సాధించిన అభ్యర్థులు తదుపరి డాక్యుమెంట్ వెరిఫికేషన్ రౌండ్‌కు హాజరు కావాలి. వివిధ మంత్రిత్వ శాఖల్లో లోయర్ డివిజనల్ క్లర్క్‌ల కోసం జూనియర్ సెక్రటేరియట్ అసిస్టెంట్, డేటా ఎంట్రీ ఆపరేటర్లు వంటి గ్రూప్ C స్థానాలను భర్తీ చేయ‌డానికి SSC CHSL రిక్రూట్‌మెంట్ పరీక్ష నిర్వహిస్తున్నారు. చట్టబద్ధమైన సంస్థలు; ట్రిబ్యునల్‌లు, భారత ప్రభుత్వ కార్యాలయాలు, అనేక రాజ్యాంగ సంస్థల వంటి విభాగాల్లో ఈ పోస్టులను భర్తీ చేస్తారు.
వేత‌నాలు
లోయర్ డివిజన్ క్లర్క్ (LDC), జూనియర్ సెక్రటేరియట్ అసిస్టెంట్ (JSA) స్థానానికి ఎంపికైన వారికి రూ. 19,900 నుంచి రూ. 63,200 మధ్య జీతం లభిస్తుంది. డేటా ఎంట్రీ ఆపరేటర్ ఉద్యోగుల‌కు పే స్కేల్ రూ. 25,500 నుంచి రూ. 81,100 అలాగే రూ. 29,200 నుండి రూ. 92,300 వరకు ఉంటుంది.