Virat Kohli | విరాట్ కోహ్లీ టెస్ట్ క్రికెట్‌లో తన 30వ సెంచరీ సాధించాడు. ఆస్ట్రేలియాలో అతని ఏడవ సెంచరీని పెర్త్‌లో ఆదివారం, నవంబర్ 24న సాధించాడు. 375 రోజుల తర్వాత అంతర్జాతీయ క్రికెట్‌లో కోహ్లీ ఎట్టకేలకు మూడంకెల మార్కును అందుకున్నాడు. ఆస్ట్రేలియాకు వచ్చినప్పుడు, కోహ్లీకి అతనిపై, అతని ఫామ్, టెస్ట్ క్రికెట్‌లో అతని భవిష్యత్తుపై నీలినీడలు కమ్ముకొనగా తాజా సెంచరీతో అన్నీ తుడుచుకుపెట్టుకొనిపోయాయి.
కోహ్లి తన 30వ టెస్టు సెంచరీతో సర్ డొనాల్డ్ బ్రాడ్‌మన్‌ను అధిగమించాడు. బ్రాడ్మన్ రికార్డ్ బ్రేక్ చేయడానికి ఏకంగా ఏడాదికి పైగా నిరీక్షించాల్సి వచ్చింది. ఆస్ట్రేలియాలో టెస్టుల్లో కోహ్లికి ఇది ఏడో టెస్టు సెంచరీ. మొత్తంగా ఆస్ట్రేలియాపై అతడికి ఇది 10వ టెస్ట్ సెంచరీ.. అంతర్జాతీయ క్రికెట్‌లో ఆస్ట్రేలియాపై విజిటింగ్ బ్యాటర్‌గా కోహ్లీ ఇప్పుడు అత్యధిక సెంచరీలు సాధించాడు.
ఆస్ట్రేలియాపై అత్యధిక సంచరీలు సాధించిన బ్యాటర్లు
- 10 – విరాట్ కోహ్లీ* (భారతదేశం)
- 9 – జాక్ హాబ్స్ (ఇంగ్లండ్)
- 7 – వాలీ హమ్మండ్ (ఇంగ్లండ్)
- 7 – వివియన్ రిచర్డ్స్ (వెస్టిండీస్)
- 7 – సచిన్ టెండూల్కర్ (భారతదేశం)
విదేశాల్లో అత్యధిక సెంచరీలు సాధించిన భారత బ్యాటర్లు ఇక్కడ ఉన్నారు:
- 7 – వెస్టిండీస్‌లో సునీల్ గవాస్కర్
- 7 – ఆస్ట్రేలియాలో విరాట్ కోహ్లీ
- 6 – ఇంగ్లండ్‌లో రాహుల్ ద్రవిడ్
- 6 – ఆస్ట్రేలియాలో సచిన్ టెండూల్కర్